ကျွန်တော် နဲ့ အယ်ဒီတာ ထွန်းဇော်ဌေး

"ကျွန်တော်နဲ့ အယ်ဒီတာ ထွန်းဇော်ဋ္ဌေး"

၂၀၁၄ ခုနှစ် မတ်လ ဆန်းပိုင်းတုန်းက ကျွန်တော် နဲ့ (အဲ့ဒီအချိန်က )The Chancellor ရဲ့ အယ်ဒီတာချုပ် ဆရာထွန်းဇော်ဋ္ဌေးတို့ အမှတ်မထင် ဆုံဖြစ်ခဲ့ခြင်းဖြစ်သည်။

တာမွေမှာ ရှိတဲ့ The Chancellor ရုံးချုပ်မှာ ဆရာထွန်းဇော်ဋ္ဌေးနဲ့ ခဏတာ စကားပြောဖြစ်ခဲ့ကြဖူးသည်။ဆရာရဲ့ နိုင်ငံရေးအမြင်တွေ ၊ကျောင်းသားသမဂ္ဂနဲ့ ပတ်သက်လို့ ဖြတ်သန်းခဲ့ဖူးတာတွေ ကို ၈၈ မျိုးဆက်မှ ကိုမင်းဇေယျ၊ကိုထွန်းအောင်ကျော် အပါအဝင် အယ်ဒီတာကိုမင်းနိုင်စိုးတို့ နဲ့ အတူ ဆွေးနွေးခဲ့ဖူးတဲ့ အချိန်ဆိုရင်လည်းမမှားပေ။

အဲ့ဒီအချိန်က ဆရာထွန်းဇော်ဋ္ဌေးအနေနဲ့ တော်လှန်ရေးအတွက် ငယ်ငယ်တုန်းက ဘယ်လိုတွေ လှုပ်ရှားခဲ့ပုံ၊သမဂ္ဂကျောင်းသားလောကရဲ့ ခက်ခဲနက်နဲပုံတွေ ကို သူ့အတွေ့အကြုံနဲ့ ပြန်ပြောင်းပြောပြခဲ့ဖူးတာကို ယနေ့တိုင်အမှတ်ရနေဆဲဖြစ်ပါတယ်။

သူပြောတဲ့ အထဲမှာ “ကျွန်တော် ကျောင်းသား ဘဝ နဲ့ လူလတ်ပိုင်းဘဝတွေ မှာ နိုင်ငံတော်အတွက်ဆိုတဲ့ ခံယူချက်နဲ့ ဘာဆိုဘာမှ မကြောက်ခဲ့ပဲ ပေးဆပ်ရုံသက်သက်နဲ့ စွန့်စားခဲ့တာတွေ ရှိတယ်။ဒါပေမဲ့ လူဆိုတာ အသက်ကြီးလာတာနဲ့ အမျှ စွန့်လွှတ်ရမှာကို တခါတလေ ကြောက်လာတတ်တယ်၊အဲ့ဒါမျိုးတွေ ဆို သတိထားပြီး ရှေ့ဆက်ဖို့လိုတယ်” လို့ ဆိုတဲ့ ဆရာထွန်းဇော်ဋ္ဌေးရဲ့ စကားတွေ ကလည်း ဟို တချိန်က အင်ဂျင်နီယာ ရူး သိပ်ရူးခဲ့တဲ့ ကျွန်တော်တို့ လိုလူငယ်တွေ အတွက် ယနေ့အချိန်မှာ သိပ်ကို မှန်ကန် ဆန်းကျယ်လွန်းခဲ့ပါတယ်။

ယခုအချိန်မှာတော့ စိတ်ကူးစိတ်သန်းကောင်းကောင်းဖြင့် ၂၀၂၀ မှာ နှစ်တရာပြည့်မြောက်မည့် ရန်ကုန်တက္ကသိုလ်ရဲ့ ရာပြည့်အကြို မှာ သမဂ္ဂကျောင်းသားလောကအတွက် ဖြည့်စွက် စာအုပ်အဖြစ် တွေ့မြင်ရမည့် စာအုပ်ကောင်းတစ်အုပ်ကို ဆရာထွန်းဇော်ဋ္ဌေးက ကျောင်းသားလူငယ်တွေ အတွက် ရေးသားထုတ်ဝေပေးလိုက်ပါပြီ။

အဲ့ဒီစာအုပ်မှာ ပါဝင်တဲ့ အချက်အလက်တွေ ဟာ လတ်တလောကြုံတွေ့နေရတဲ့ ကျောင်းသားပညာရေးလောကရဲ့ အခက်အခဲတွေ ကို သမဂ္ဂတည်ထောင်ပြီး ဘယ်လို ရှေ့ဆက်ရမလဲဆိုတဲ့ နည်းလမ်းကောင်းတွေ ပုံဖော်ဖို့အတွက် အထောက်အကူပြုနိုင်ပြီး  သမိုင်းမှာ သမဂ္ဂကျောင်းသားတွေ ဟာ ဘယ်အတိုင်းအတာထိ အရေးပါခဲ့တယ်ဆိုတာတွေ ကို ရှင်းရှင်းလင်းလင်း ဖော်ပြချက်တွေ ပါဝင်နေတယ်ဆိုတာ ဒီနေရာကနေ ဆရာထွန်းဇော်ဋ္ဌေးကိုယ်စားပြောပြလိုပါတယ်။

စာအုပ်အမည်- “တို့သမဂ္ဂ တို့ ပိုင်တယ်”

နိဒါန်း

အပိုင်း (၁)

- အစဉ်အလာမြန်မာ့ပညာရေး
- အင်္ဂလိပ်တို့ ပညာရေးအစ
- ရန်ကုန်ကောလိပ်အစ
- ဗမာ့ပညာရေး အစာပိုင်းပြဿနာများ
- ၁၉၂ဝ ပထမကျောင်းသားသပိတ်
- သပိတ်မှောက်အကြောင်းအရင်း
- ပညာရေးအချုပ်ချယ်ခံရခြင်း၏ ရေသောက်မြစ်
- ၁၉၂၁ နောက်ပိုင်း ဗမာ့နိုင်ငံရေးနှင့်
တက္ကသိုလ်ကျောင်းတော်ကြီး
- ကျောင်းသားသမဂ္ဂစည်းမျဉ်းနဲ့ ဖွဲ့စည်းပုံအစ
- ၁၉၃၁-၃၂ နောက်ပိုင်းကျောင်းသားသမဂ္ဂကအခြေအနေ
- မန္တလေးဥပစာကောလိပ်နဲ့ မန္တလေးကျောင်းသားလှုပ်ရှားမှု

အပိုင်း (၂)

- ၁၉၃၆ ခုနှစ် - တကသမှသည် ဗကသဆီသို့
- ခွပ်ဒေါင်းအလံသမိုင်းပုံရိပ်များကို ဆက်စပ်ကြည့်ခြင်း
- ဗကသ ဘာကြောင့်ဖွဲ့ဖို့လိုအပ်သလဲ
- ၁၉၃၇ ခုနှစ် ဒုတိယအကြိမ် ဗကသညီလာခံ
- ဒုတိယအကြိမ်ညီလာခံဆုံးဖြတ်ချက်များ
- တတိယအကြိမ်ကျောင်းသားညီလာခံ
-တတိယကျောင်းသားသဗိတ်လှန်ခြင်းနဲ့ တတိယကျောင်းသားလွှတ်တော်
- ကျောင်းသားသဗိတ်သုံးကြိမ်ကို နှိုင်းယှဉ်လေ့လာခြင်း

အခန်း (၃)

-၁၃ဝဝ ပြည့်အရေးတော်ပုံနောက်ပိုင်းတကသနဲ့ ဗကသပုံရိပ်များ
- စစ်ပြီးခေတ်ဗကသ၊ တကသ အခြေအနေ
- စစ်တွင်းရန်ကုန်တက္ကသိုလ်
- စစ်ပြီးခေတ်ကျောင်းသားသမဂ္ဂတကျော့ပြန်ဖွဲ့စည်းကြခြင်း
- မန္တလေးတက္ကသိုလ်ကျောင်းသားသမဂ္ဂအခြေအနေ

အခန်း (၄)

- ၇ . ၇ . ၆၂ မမေ့ကြနဲ့

အခန်း (၅)

- လိုတာမရရင် - ရတာမယူနဲ့
- အာဏာရှင်အာခံတွင်းထဲ စူးဝင်နေတဲ့လှံသွားတစ်ချောင်း
- တပ်ကြပ်မောင်သောင်းပြောတဲ့ ထောက်ကြံ့ရာဘာတောထဲက လူသတ်တွင်းကြီးအကြောင်း
- ဗိုလ်မှူးသာဒိုး (အကျဉ်းဦးစီးနေ၊ ညွှန်မှူးဟောင်း) ပြောပြတဲ့ သမဂ္ဂဖြိုခွဲခဲ့ကြပုံ
- လိုတာမရရင် ရတာမယူနဲ့ဆိုတဲ့ ကျောင်းသားထုအသံ

အပိုင်း (၆)

- သမဂ္ဂရှင်သန်ရေးနဲ့ အဆောက်အဦဆောက်လုပ်ရေး ဘယ်လိုစဉ်းစားကြမလဲ
- တကသနဲ့ တကသအဆောက်အဦ ဘယ်ဟာအရင်ပေါ်ခဲ့သလဲ
- ၁၉၂ဝ ရန်ကုန်တက္ကသိုလ်အက်ဥပဒေနဲ့ ဖက်ဒရယ်ပညာရေး သပိတ်အကြောင်း

- နောက်ဆက်တွဲ
- ကျောင်းသားလွှတ်တော်ဆိုတာ ရှိသလား
- နှစ်တစ်ရာပြည့်ကိုကြိုဆိုခြင်း
(အဓိပတိလမ်းမှ နှစ်တစ်ရာခြေရာများ)